आइपी भट्टराई
सुरुङ्गा मंसिर ९ गते । भट्टराई कुलबंश प्रतिष्ठान कनकाईनगरको दोस्रो अधिवेशन सम्पन्न भएको छ ।
कनकाई नगरपालिका ५ तुलसीवारीमा भएको अधिवेशनमा गोठपुजा समेत गरिएको थियो ।


प्रतिष्ठानका जिल्ला सचिव तथा संचारकर्मी धर्मेन्द्र मामा भट्टराईको प्रमुख आथित्यमा सम्पन्न भएको कार्यक्रममा नगरक्षेत्रका जेष्ठ बन्धुहरु कनकाई ३ का श्रीप्रसाद भट्टराई र कनकाई १ की मधुमाया भट्टराईलाई सम्मान गरिएको थियो । यसैगरी नगरपालिका क्षेत्रबाट उत्कृष्ट अंक ल्याएर कक्षा ११÷१२ पास गर्ने विद्यार्थीहरु गोविन्द्र भट्टराई र प्रतिक्षा भट्टराइलाई समेत नगद सहित पुरस्कृत गरिएको थियो । कार्यक्रममा प्रतिष्ठानका अध्यक्ष रघुनाथ भट्टराईले वार्षिक प्रतिवेदन तथा कोषाध्यक्ष नेत्रप्रसाद भट्टराईले आर्थिक प्रतिवेदन प्रस्तुत गर्नुभयो । कार्यक्रमको संचालन सचिव चन्द्रप्रसाद भट्टराईले गर्नुभएको थियो । भट्टराईले प्रतिष्ठानले संचालन गरेको वचत तथा ऋण सहकारीको समेत हिसाव सार्वजनिक गर्नुभएको थियो ।
यसैविच प्रतिष्ठानको बन्दसत्रले आगामी ४ वर्षका लागि पुन रघुनाथ भट्टराईको अध्यक्षतामा पछि १ सदस्य थप गर्नेगरी १२ सदस्यीय नगर समिति गठन गरेको छ । प्रतिष्ठानको उपाध्यक्षमा डिल्लीरमण भट्टराई , सचिवमा दिपक भट्टराई सहसचिवमा धिरज भट्टराई , कोषाध्यक्षमा कला भट्टराई र सदस्यहरुमा विष्णु प्रसाद भट्टराई , एलिसा भट्टराई , गणेश बहादुर भट्टराई , बसन्त बहादुर भट्टराई , टंक भट्टराई , देविप्रसाद भट्टराई र टिका भट्टराई रहनुभएको छ ।