कनकाई अनलाईन
झापा कनकाई नगरपालिका ३ निवासी ५४ बर्षिय डिआर सुवेदीको निधनको १३ औ दिनको पुण्यतिथिको अवशरमा लायन्स क्लव अफ कनकाई सुरुङ्गाले उहाँको निधनको १३ औ पुण्यतिथिको अवशर पारेर आज सताक्षीधाम १० माईधाममा रहेको यहाँस्थित गौलोक गोवर्धन गौशालाको गुरुकुलका विद्यार्थीहरुका लागि आज खाद्यान्न वितरण गरेको छ ।
स्थानीय कनकाई युवा समुह कनकाई ४ समेतको समन्वयमा लायन्सले गुरुकुलका लागि आवश्यक चना, चिनी, दाल, भुजा, आलु, इस्कुस, तेल लगायातका आवश्यकिय सामाग्रीहरु प्रदान गरिएको हो । लायन्सकर्मी तथा कनकाई लायन्स क्लव अफ कनकाई सुरुङ्गाका निर्वतमान अध्यक्ष समेत रहनुभएका डिआर सुवेदीको गत सोमवार कनकाई नगरपालिका ८ लक्ष्मीपुरमा सवारी दुर्घटनामा परि दुखद निधन भएको थियो ।
लायन्स क्लव अफ कनकाई सुरुङ्गाका संस्थापक अध्यक्ष तथा डिस्ट्रिक सेक्रेटरी लायन लीला चिमरिया, पुर्वअध्यक्षहरु रुपनारायण खतिवडा, सुरेन्द्र प्रधान, साजन थापा लायन्स क्लव अफ कनकाई सुरुङ्गाका अध्यक्ष सन्जय गजुरेल, सचिव पंकज खड्का, लायन्स क्लव अफ दुर्गापुरका सेकेण्ड उपाध्यक्ष भुवन खतिवडा, सेक्रेटरी डिल्ली रिजाल लगायाले दिवंगत आत्माको शान्तिको कामना गर्दै श्रद्धाञ्जलि अर्पण गरेका थिए ।
श्रञ्द्धाजलि अर्पण गर्दै लायन्सका संस्थापक अध्यक्ष लीला चिमरियाले डिआर सुवेदीको हरेक बार्षिक पुण्यतिथिमा लायन्सले पुण्यका कामहरु गर्दै जाने प्रतिवद्धता जनाउनुभएको थियो । कार्यक्रममा पत्रकार महासंघ प्रदेश सदस्य लीलाराज झापाली लगायातले डिआर सुवेदीले समाजमा पुर्याउनुभएको योगदानको प्रसंसा गर्नुभएको थियो ।
गौशाला तथा गुरुकुलका तर्फबाट संरक्षक घनश्याम खनालले धन्यावाद ज्ञापन गर्नुभएको थियो ।
