कनकाई अनलाईन
झापा कनकाई नगरपालिका ३ सुरुङ्गास्थित कनकाई टोलमा आज दिउसै साईकल चोरी गर्दा गर्दै एक जनालाई गाउँलेले रङ्गेहात पक्राउ गरेर प्रहरीलाई बुझाएका छन ।
कनकाई नगरपालिका २ निवासी अन्दाजी २२ बर्षिय युवा सुरज माझिलाई स्थानीय प्रतिक राजवंशी, अरुण श्रेष्ठ लगायातले साईकल चोरी गर्दा गर्दै रङ्गेहात पक्राउ गरेका हुन ।
माझिले कनकाई माविमा अध्यान गर्ने छात्र छात्राले राखेको साईकलको चाबी फुटाउदै गर्दा देखेपछि छेकारो मारेर पक्राउ गरी प्रहरीलाई बुझाएका थिए । उनी लागुऔषध दुव्यर्सनी रहेको बुझिएको बताइएको छ । पछिल्लो समय कनकाई नगरपालिकामा लागुऔषध प्रयोग कर्ताहरु बढेसगै चोरीका घटना वढदै गएको छ । केहि दिन पहिले समेत कनकाई नगरपालिका १ प्रजापतिमा एक घरमा रातीको समयमा काठ चोरी गर्दा गर्दै २ जनाको समुहलाई समेत रङ्गेहात पक्राउ गरि प्रहरीलाई बुझाईएको थियो ।
