सावित्रा भण्डारी ‘साम्बा’ ले डेब्यु खेलमै गोल गर्दा हापोएल रानानाले नयाँ सिजनमा विजयी सुरुवात गरेको छ । अथेना कप प्रतियोगिताको दोस्रो चरणमा हापोएल रानानाले हादेरालाई २/० ले पराजित गरेको हो । रानानाका लागि आदि गोल्डेन र साम्बाले १(१ गोल गरे । साम्बाको पासमा गोल्डेनले गोल गर्दै रानानालाई अघि बढाएकी थिइन् ृ‘े
फरवार्ड सावित्रा भण्डारी ‘साम्बा’ ले डेब्यु खेलमै गोल गर्दा हापोएल रानानाले नयाँ सिजनमा विजयी सुरुवात गरेको छ ।
अथेना कप प्रतियोगिताको दोस्रो चरणमा हापोएल रानानाले हादेरालाई २(० ले पराजित गरेको हो । रानानाका लागि आदि गोल्डेन र साम्बाले १(१ गोल गरे ।
साम्बाको पासमा गोल्डेनले गोल गर्दै रानानालाई अघि बढाएकी थिइन् । त्यसपछि साम्बा आफैंले गोल गरिन् । निकै प्रतिस्पर्धात्मक खेलमा रानानाको युवा टोलीले रक्षात्मक रणनीतिमा पनि राम्रो प्रदर्शन गर्यो ।
सावित्राले युरोपेली लिग खेल्ने राष्ट्रको नकआउट प्रतियोगितामा गोल गर्दै इतिहास पनि रचेकी छिन् । क्लबले अब प्रतियोगिताको अर्को चरणमा प्रतिस्पर्धा गर्नेछ । उक्त खेल सोमबार हुनेछ ।
रानानाले लिग यात्रा भने अगस्टको अन्तिमबाट सुरु गर्नेछ । लिगमा ८ टोलीबीच झन्डै ७ महिनासम्म लिग चल्नेछ । रानाना यसै सिजन शीर्ष डिभिजनमा उक्लिएको हो ।
