कनकाई अनलाईन
झापा गाउँपालि ६ शरणामतीमा मोटरसाइकलको ठक्करबाट घाइते पैदल यात्रीको उपचारका क्रममा शनिवार आज बिहान मृत्युभएको छ ।
शुक्रवार दिउसो ३ बजेको समयमा झापा गाउँपालिका ६ शरणामतीको भित्री बाटोमा प्र १–०१–०१३ प ८९४१ नम्बरको मोटरसाईकलले स्थानीय ८४ बर्षिय भोलानाथ सिटौलालाई ठक्कर दिएको थियो । घाईते वृद्ध सिटौलालको उपचारको क्रममा शनिबार विहान मृत्यु भएको जिल्ला प्रहरी कार्यालय झापाले जनाएको छ ।
प्रहरीका अनुसार शुक्रबार दिउँसो ३ बजेको समयमा झापा गाउँपालिका– ६ शरणामतीस्थित पन्थपाँडा– शरणामती भित्री सडक खण्डमा दक्षिणबाट उत्तर तर्फ जाँदै गरेको प नम्बरको मोटसाइकलले पैदल यात्री सिटौलालाई ठक्कर दिएको थियो । दुर्घटनामा परी घाइते भएका सिटौलालाई तत्काल उपाचार लागि बिर्तासिटी अस्पताल बिर्तामोडमा लगिएकोमा घाईतेको उपचारका क्रममा शनिवार विहान मृत्यु भएको हो ।
