कनकाई अनलाईन
झापा बिर्तामोडमा सवारी चेकजाँच गरिरहेका दुईजना प्रहरी भारतीय कारको ठक्करबाट घाइते भएका छन् ।
सोमवार राति ८.२५ बजे बिर्तामोड– ६ बुट्टाबारीमा चेकजाँच गरिरहेका अस्थायी प्रहरी चौकी बुट्टाबारीका दुईजना प्रहरीलाई पूर्वबाट पश्चिमतर्फ आउँदै गरेको डब्लुबी ७४एए १७९४ नम्बरको को भारतीय कारले ठक्कर दिदा डियुटीमा रहनुभएका प्रहरी सहायक हवल्दार शिवनारायण महत्तो र प्रहरी जवान दिपेन्द्र गुरुमैता घाइते हुनुभएको छ । घाईतेहरुको बिएण्डसी हस्पिटलमा उपचार भइरहेको प्रहरीेले जनाएको छ ।
दुर्घटनापछि कार चालक फरार रहेको र उनको खोजी भइरहेको इलाका प्रहरी कार्यालय बिर्तामोडका प्रहरी प्रमुख डीएसपी सुरज कार्कीले बताउँनुभयो । अगाडि एउटा सवारीसाधनलाई चेकजाँच गरिरहेका बेला पछाडिबाट आएको सो कारले ठक्कर दिएको जनाइएको छ । प्रहरीलाई ठक्कर दिएपछि अनियन्त्रित भएको सवारी समेत दुर्घटनामा परेको थियो ।
