बनियानी, झापा । झापाको कचनकवल गाउँपालिका वडा नं. १ को सिमावर्ती दशगजा क्षेत्रमा भारतले मनोपोली रुपमा बिधुतीय साइरन्स जडान गरिएको पाइएको छ । नेपाल भारत सिमा नियमको उल्लघन गर्दै भारतले कचनकवल गाउँपालिका वडा नं. १ घेराबारीको पिन्डलबारी देखी कद्दुभीट्टा करिब चार किलोमिटर दशगजा क्षेत्रमा बिधुतीय साइरन्स जडान गरेको हो ।
नेपाल भारत दशगजा भित्र नेपाली पक्षलाई थाहानै नदिइ भारतले बिधुतीय साइरन्स जडान गरेकोमा वडा नं. १ का वडा अध्यक्ष महाबिर लिम्बुले दुःख ब्यक्त गर्दै भारतिय पक्षको ज्यादती रोक्न सरकारले चासो दिनु पर्ने बताएका छन् ।
त्यसै गरि घेराबारी ससस्त्र क्याम्पका इन्चार्ज डि.एस.पी. देव बहादुर बोहोराले आफुले थाहा पाउने बितिक्कै आफ्नो माथिल्लो निकायमा जानकारी गराएको र भारतिय सिमा सुरक्षा बलका अधिकारीहरु संग सोध्दा हात्ति रोकथामको लागि भारतिय बन विभागले बिधुतीय साइरन्स जडान गरिएको बताएको उनले भने ।
भारतीय पक्षले दशगजा क्षेत्रमा विद्युतीय साइरन जडान गरेको घटनाको बारेमा समाचार संकलनका लागि गएका स्थानीय पत्रकार नेत्र विमलीमाथि भारतीय एसएसबीले दुर्व्यवहार गरेको छ । साइरन जडानको फोटो खिचेको भन्दै एसएसबीले पत्रकार विमलीको क्यामेरा खोस्न खोजेका थिए । पछि पत्रकारको परिचयपत्र देखाएपछि खिचेको सबै फोटो एसएसबीले डिलिट गर्न लगाएको उनले बताए ।
