कनकाई अनलाईन
झापाको कनकाई नगरपालिका–१, जुके कल्भर्टमा सोमवार बिहान मोटरसाइकलको ठक्करबाट एकजना पैदलयात्रीको मृत्यु भएको छ ।

मृत्यु हुनेमा भारतीय नागरिक ६५ वर्षीय दिपराज चरज रहेका छन् । बाटो पार गर्दै गरेका उनलाई आज बिहान पौने ५ बजे मे ९ प ५७४४ नम्बरको मोटरसाइकलले ठक्कर दिएको थियो । उपचारको लागि बिर्तासिटी अस्पताल पु¥याउनासाथ दिपराजको मृत्यु भएको थियो । मोटरसाइकलसहित चालकलाई इलाका प्रहरी कार्यालय अनारमनीले नियन्त्रणमा लिएको छ ।