कनकाई अनलाईन
जिल्ला प्रहरी झापाको प्रहरी टोलीले लाखौ रुपैँया मुल्यको अबैध सामानसहित एकजनालाई पक्राउ गरेको छ ।
बिहीवार विहान साढे ८ बजेको समयमा झापा मेचीनगर नगरपालिका वडानम्बर ६ स्थित कालिखोला छेउबाट पुर्वबाट पश्चिमतर्फ जादै गरेको डब्लुवि ७३ ए ४२६६ नम्बरको भारतीय ट्रक भन्सार छलि ट्रकका क्याविन लगायातमा लुकाई लैजादै गरेको अवस्थामा स्मार्ट मोवाइल ३५ थान, टायल्स २४ कार्टुन, २ कार्टुन औषधि, राधे राधे लेखिएको गम्छा ३७८० पिस गरि १० लाख ९० हजार १७० रुपैँयाको सामान र ट्रकको मुल्य १२ लाख गरि जम्मा २२ लाख ९० हजार १७० रुपैँयाको मुल्याङ्कन गरि मेची भन्सार कार्यालय काँकडभिट्टालाई बुझाइएको र ट्रक चालक भारत जल्पाईगुडी बुलेट पञ्चायात थाना कर्तली बस्ने बर्ष ३८ को निरञ्जन राय समेतलाई नियन्त्रणमा लिई आवश्यक कार्वाहीका लागि भन्सारमा बुझाईएको जिल्ला प्रहरी कार्यालय झापाका प्रहरी प्रवक्ता प्रहरी नायव उपरिक्षक खगेन्द्र रिजालले बताउँनुभयो ।
