कनकाई अनलाईन
बिर्तामोड नगरपालिका स्थित वार्ड नम्बर १ मा रहेको एब्सुलेट फुटसलमा वडा स्तरीय फुटसल प्रतियोगिता हुने भएको छ ।
समितिका अध्यक्ष बिकास गिरिका अनुसार चैत १७ र १८ गते गरि दुई दिवसिय प्रतियोगिता हुने भएको छ भने प्रतियोगितामा बिर्तामोड नगर भित्र रहेका १० वटा वार्डले सहभागिता जनाउनेछ।
बिर्तामोड नगर खेलकुद विकास समितिले,समिति बनेपछि पहिलोपल्ट खेल गतिविधि गर्न लागेको हो भने नगर भित्र खेलाडी उत्पादन तथा खेल बिकासका निम्ति नगर समिती गम्भीर भएर लागिपरेको नगर खेलकुद बिकास समितिका सदस्य सुदिप खवासले जानकारी दिनुभयो।
गएको केही दिन अगाडि नगर समिती बनेपछि वडा समितिहरु पनि धमाधम गठन भइरहेको समितिका सचिव बिसन लिम्बुले बताउनुभयो।
प्रतियोगितामा प्रथम विजेताले नगदरासी रु ५० हजार र उपविजेताले नगद रासी रु २५ हजार,सहित ट्रफी र प्रमाणपत्र पाउने छन् ।
