जनक न्यौपाने
झापाको बार्हदशी गाउँपालिका वाड नम्बर ५ घोडामारामा स्थानीय नेत्र प्रसाद अधिकारीको घरमा गए राती चोरी भएको छ ।
घरमुली अधिकारी आफन्तको बिहेमा दुइदिन अघि नै दामना गएको मौका छोपी चोरी भएको स्थानीयले बताएका छन् । घरमुली नेत्र प्रसाद अधिकारीका भाइ दिपक अधिकारीका अनुसार हिजो घरको मुल गेटमा ताला फोरिएको अवस्थामा फेला परेको थियो।
तर उक्त घटनाबारे गाउँमा खासै हल्ली खल्ली नभएको महसुस गरि चोरले पुन घर भित्र प्रवेश गरि सर्वस्श चोरीको प्रयास गरेको बताउनुभयोे।
घरको किचन , बेडरुम , दराज लगायत अन्य सबैतिरको सामान यत्रतत्र पारी चोरी गरिएको छ।आज बिहान घरको सबै ढोका खुल्ला अवस्थामा देखेपछी स्थानीय बुद्धि भट्टराईले घरमुलीका भाइ दिपक अधिकारीलाई जानकारी गराए पस्चात् स्थानीय बार्हदशी वडा प्रहरीलाई जानकारी गराईएको थियो।वडा प्रहरीको टोलीले चोरीबारे अनुसन्धान अघि बडाइरहेको जानकारी दिइएको छ।घरमुली घरमा नभएको बखत चोरी भएकोले के कति नगद तथा जिन्सी चोरी भयो भन्ने बारे यकिन हुन नसकेको घरमुलीका भाइ दिपक अधिकारीले जानकारी दिए।स्थानीयका अनुसार पछिल्लो समय बार्हदशी गाउँपालिकामा पटक पटक पानी तान्ने मोटर लगायत अन्य चोरीका घटना हुने गरेका छन् ।
