कनकाई अनलाईन
लागुऔषधको कारोवारीका लागि महिलाहरुको भित्री बस्त्रको प्रयोग गर्ने एक महिला पक्राउ गरेकी छिन । महिलाको भित्री बस्त्रमा लुकाइछिपाई लागूऔषध ब्राउनसुगर नेपाल भित्र्याउने एक युवतीलाई सशस्त्र प्रहरीले पक्राउ गरेको हो ।
झापाको भद्रपुर–गलगलिया नाकाबाट ब्राउनसुगर भित्राउने साविक तोपगाछी गाविस ५ घर भई हाल बिर्तामोड नगरपालिका– १ स्थित हनुमानगरमा बस्ने ३४ वर्षीया मञ्जु चापागाँईलाई सशस्त्र प्रहरीले पक्राउ गरेको छ ।
शुक्रबार बिहान साढे १० बजेको समयमा प्र–१–०१–०१३ नम्बरको स्कुटर चढेर भारतबाट नेपालतर्फ आइरहेकी चापागाँईलाई मेची पुलमा तैनाथ सशस्त्र प्रहरीले शंका लागेर चेकजाँच गर्दा उनले लगाएको भित्री बस्त्रबाट १९ ग्राम ५८० मिलिग्राम ब्राउनसुगर फेला परेको प्रहरीले जनाएको छ ।
सशस्त्र प्रहरी बल नेपाल बोर्डर आउट पोस्ट भद्रपुरका इन्स्पेक्टर रामकुमार घिमिरे नेतृत्वको टोलीले उनलाई ब्राउनसुगर, नेपाली ५ हजार ७५ रुपैयाँ र ७ सय ९९ भारतीय रुपैयाँसहित पक्राउ गरी आवश्यक कारबाहीका लागि वडा प्रहरी कार्यालय भद्रपुर बुझाएको जनाइएको छ ।
