कनकाई अनलाईन
झापाको कनकाई नगरपालिकाको फरक फरक स्थानमा कारले ठक्कर दिदा ३ जना पैदल यात्रुको ज्यान गएको छ ।
झापा कनकाई नगरपालिका ३ सेल्फी डाँडामा कारको ठक्करबाट एक पैदलयात्रुको मृत्यु भएको छ ।
झापा कनकाई नगरपालिका ३ की ३६ बर्षिय सावित्रादेवि भण्डारीको पश्चिमबाट पुर्वतर्फ आउदै गरेको बा १८ च २२४७ नम्बरको कारको ठक्करबाट बुधवार बेलुकी ८ बजे पैदलयात्रुको मृत्यु भएको प्रहरीले जनाएको छ । कारको ठक्करबाट बाटो काटदै गरेकी पैदलयात्रु भण्डारीको घटनास्थलमै मृत्युभएको हो । हाल कार र चालकलाई इलाका प्रहरी कार्यालय बिर्तामोडले नियन्त्रणमा लिएको छ । मृत्यु हुने भण्डारी कनकाई ३ मा डेरा गरि बस्ने हुन भने उनका श्रीमान नेपाली सेना रहेको र उनी हाल शान्ति सेनामा विदेश रहेको बुझिएको छ ।
यसैगरि मंगलवार राती साढे १२ बजेको समयमा कनकाई नगरपालिका ८ लक्ष्मीपुरमा सडक पार गर्दै गरेका स्थानीय ३२ बर्षिय सन्तोस गुरुङ्ग र ३७ बर्षिय खगेन्द्र बयलकोटीलाई ना ४ च ४५२५ नम्बरको कारले ठक्कर दिदा दुबैजनाको घटनास्थलमै मृत्युभएको जिल्ला ट्राफि कार्यालय झापाले जनाएको छ ।
