जनक न्यौपाने
बाह्रदशी गाउँपालिका ४ मा वडा कार्यालयको नयाँ भवन उद्घाटनसँगै विभिन्न कार्यक्रम आयोजना गरी औपचारिक कार्यक्रम सम्पन्न भएको छ। गाउँपालिका अध्यक्ष देबिन्द्र प्रसाद चम्लागाइको प्रमुख आतिथ्यतामा र वडा नं ४ का अध्यक्ष महताब आलमको सभापतित्वमा सम्पन्न उक्त कार्यक्रममा स्वास्थ्य शिविर, ज्येष्ठ नागरिक सम्मान, जग्गा दाताहरुलाई सम्मान, साइकल वितरणलगायत विविध कार्यक्रम गरियो।
उक्त कार्यक्रममा जग्गा दाताहरु चिलानी ताजपुरिया र भुन्द्री ताजपुरिया ,इन्द्र प्रसाद ताजपुरिया र सहवती ताजपुरिया ,साम प्रसाद ताजपुरिया र सुधा ताजपुरिया ,स्व मिना देवी ताजपुरिया ,देवराज ताजपुरिया र इश्वरवती ताजपुरिया , इन्द्रसिंह राजबंशी र सावित्री राजबंशीलाई लाई विशेष सम्मान गरिएको थियो। सोही कार्यक्रममा वडा भित्रका जेष्ठ नागरिकहरुलाई समेत सम्मान गरिएको थियो।त्यसै दलितउत्थान अन्तर्गत ७ वटा साइकल र सात वटा ब्याङ्केट पनि बितरण गरिएको थियो। सोही कार्यक्रम अवसर पारेर ५ जना स्वास्थ स्वयम् सेबिकालाई आवतजावतमा सहजता होस् र कामप्रति उर्जा मिलोस भनी साइकल , ब्याग र छाता बितरण गरिएको थियो। सोही दिन आयोजना गरिएको स्वास्थ्य शिबिरमा २०० जना भन्दा बढीले स्वास्थ्य सेवा लिएका थिए। कार्यक्रमको स्वागत मन्तव्य वडा सदस्य कल्पना श्रेष्ठले राख्नु भएको थियो भने सञ्चालन गाउँपालिकाको जिन्सी शाखा प्रमुख राजु गिरीले गर्नु भएको थियो।
कार्यक्रममा विशिष्ट अतिथिहरू गाउँपालिकाकि उपाध्यक्ष शान्ता देवी खरेल, प्रमुख प्रशासकीय अधिकृत जनार्धन निरौला, वडा सचीव सन्जय घिमिरे , वडा सदस्यहरु बल बहादुर बानिया, बिबेक गणेश , सुमित्रा मोची लगायतको उपस्थिति रहेको थियो। स्वास्थ्य शिविरमा ज्येष्ठ नागरिकहरूको स्वास्थ्य परीक्षण गरिनुका साथै उनीहरूलाई न्यानो कपडा वितरण थियो।
उक्त कार्यक्रमले वडा नं ४ मा सामुदायिक सेवाको प्रभावकारितालाई थप प्रोत्साहन गर्ने अपेक्षा राखिएको छ।
