कनकाई अनलाईन
झापा जिल्ला स्तरीय गायन तथा नृत्य प्रतियोगितामा झापाको कनकाई नगरपालिकास्थित प्यारागन एकाडेमीले पुन उत्कृष्ट हुन सफल भएको छ ।
झापाको कनकाई नगरपालिका ३ स्थित दिव्यरत्न आवाशीय माविमा जिल्ला प्याब्सन झापाद्धारा आयोजित प्रतियोगितात्मक जिल्ला स्तरीय सास्कृतिक कार्यक्रममा नृत्य तथा गायन प्रतियोगितामा कनकाई नगरपालिकाबाट सहभागि प्यारागन एकाडेमीले नृत्य बिधातर्फको आधुनिक र लोक सस्कृति तर्फको प्रतिस्पर्धामा दुबै विधामा जिल्ला प्रथम हुदै प्रादेशिक प्रतियोगिताका लागि छनौट भएको छ । प्यारागनले यसअघि अघिल्लो बर्षमा समेत नृत्यका तीनै विधामा प्रथम भएको थियो । हिजो सम्पन्न प्रतियोगितामा कक्षा ११ तथा १२ बाट गायक विधामा झापा गाउँपालिकाको चन्द्रज्योति माविले प्रथम स्थान हासिल गदै छनौट हुन सफल भएको छ । यसैगरि कक्षा १० सम्मको गायनमा फोनिक्स विद्यालय कमल प्रथम हुन सफल बनेको छ भने, १२ बर्ष मुनिका विद्यार्थीहरुको गायनमा कर्णाली मावि बुद्धशान्ति प्रथम हुन सफल भएको छ । यसैगरि राष्ट्रिय नृत्यमा पारिजात मावि मेचीनगर प्रथम हुन सफ लबनेको छ ।
उनीहरु सबै प्रथम हुने विद्यालयले आगामी हुने प्रदेश स्तरीय प्याब्सनको प्रतियोगितामा सहभागि हुने र त्यहाँबाट समेत बिजयी हुन सफल स्कुलले राष्ट्रिय प्रतियोगितामा सहभागि हुन पाउने जिल्ला प्याब्सनका अध्यक्ष गौरीमान फागोले बताउँनुभयो ।
यस बर्षको जिल्ला स्तरीय प्यासनको सास्कृतिक प्रतियोगिता कनकाई नगर प्याब्सनको आतिथ्यता तथा जिल्ला प्याब्सनको आयोजनामा कनकाई नगरपालिका ३ स्थित दिब्यरत्न माविमा आयोजना गरिएको थियो ।