कनकाई अनलाईन
झापा गाउँपालिका वडा ६ पुष्पाञ्जली टोलमा एक बुद्धाको बिभत्स हत्या गरिएको छ ।
टाउको र चिउडोमा कोदालो प्रहार गरि हत्या गरि गाईवस्तुले घाँस खाने डुँडमा परालले छोपेर राखेको अबस्थामा झापा गाउँपालिका वडा नं ६ की ८३ वर्षीया फूलमाया मुर्मुको शव शनिवार साँझ फेला परेको थियो । घरका अरु सबै सदस्य मकै रोप्न गएका बेला फूलमणिको हत्या भएको हो । काम सकेर घर फर्किदा वृद्धा फूलमायालाई नदेखेपछि खोजी गर्नेक्रममा डुँडमा परालले छोपेर राखेको अबस्थामा उनको शव फेला परेको थियो । मृतकका ज्वाइँले डुँडको पराल हटाउन खोज्दा बृद्धाको शव देखेको झापा गाउँपालिका वडा नं ६ का वडाध्यक्ष नवीनकिशोर थापाले बताउँनुभयो ।
मुढामा बसेर तोरीको साग केलाउँदै गर्दा ती वृद्धालाई फरुवाले हानेर हत्या गरेको हुनसक्ने आशंका गरिएको छ । फरुवा घटनास्थलमा फेला परेको छ । प्रहरीले घटनास्थल सिल गरी नेपाल प्रहरीको प्रदेश प्रहरी कार्यालय धरानबाट तालिमप्राप्त कुकुर समेत ल्याएर अनुसन्धान गरेको थियो । प्रहरीले हत्या गरि सामान समेत लुटेर फरार रहेका २ जनालाई पक्राउ गरेको जिल्ला प्रहरी कार्यालय झापाका प्रहरी प्रवक्ता कृष्ण चन्दले बताउँनुभयो । प्रहरीले झापा गाउँपालिका ७ का २८ बर्षिय अजय यादव र शिवसताक्षी नगरपालिका ७ बस्ने बर्ष २४ को अशोक मण्डललाई त्यस घरबाट लुटिलगेको एक थान मोवाईल फोन र साईकल सहित झापा गाउँपालिका ७ मदरगासबाट पक्राउ गरेको छ । प्रहरीले हत्यामा प्रयोग गरिएको फरुवा र कलको हण्डिल समेत बरामद गरेको जनाएको छ ।
