कनकाई अनलाईन
आज सम्पन्न कनकाई ६ को उपनिर्वाचनमा कुल १५१३ मत खसेको छ ।
जम्मा २०५८ मतदातामा १५१३ मत खसेको हो । यस वार्डमा कुल ९ जना उम्मेद्धार निर्वाचनमा होमिएका थिए । आजै मत गणना गरिने बताइएको छ । गत असार २ गते यस वडाका वडाअध्यक्ष दिर्घबहादुर थापाको निधन भएसगै यस रिक्त स्थानमा उपनिर्वाचन हुन लागेको हो । झापा जिल्लाको एकमात्रै उपनिर्वाचन हुन लागेको यस स्थान हालका प्रधानमन्त्री केपी शर्मा ओली, राप्रपा अध्यक्ष राजेन्द्र लिङदेन तथा काग्रेस महामन्त्री विश्वप्रकाश शर्माको गृह जिल्ला भएकोले समेत यस कनकाई ६ को उपनिर्वाचनलाई महत्वका साथमा हेरिएको छ ।
