कनकाई अनलाईन
झापाको मेचीनगरमा १० मा मोटरसाइकलको ठक्करबाट एकजना पैदलयात्रुको मृत्यु भएको छ ।
शुक्रवार साँझ ६ः ३० बजेको समयमा पूर्वपश्चिम राजमार्गस्थित पश्चिमबाट पुर्वतर्फ .जादै गरेको मे ६ प ३१७९ नम्बरको मोटरसाईकलले बाटो काट्दै गर्नुभएका इलाम रोङ गाउँपालिका वडा नं ३ कोल्बुङ बस्ने ५५ वर्षीय इन्द्रबहादुर गुरुङलाई ठक्कर दिएको थियो । घाईते गुरुङको उपचारका लागि विएण्डसी अस्पताल पुर्याउनसाथ चिकित्सकले मृत घोषणा गरेको जिल्ला ट्राफिक प्रहरी कार्यालय झापाले जनाएको छ ।
मोटरसाइकल चालक मेचीनगर नगरपालिका वडा नं. ७ बस्ने अन्दाजी ५२ वर्षीय गणेश राजवंशीसमेत घाइते भएका छन् । हात खुट्टा, अनुहार र मुखमा चोट लागेका राजवंशीको बीएण्डसी अस्पतालमा उपचार भइरहेको जिल्ला प्रहरी कार्यालय झापाले जनाएको छ ।
