कनकाई अनलाईन
झापाको कनकाई नगरपालिका ३ स्थित कनकाई माविको खेल मैदानमा आजबाट वार्डस्तरीय फुटबल प्रतियोगिता हुदै छ ।
वार्डस्तरीय प्रतियोगिताको सर्वाधिक राशीको प्रतियोगिताको उदघाटन खेल कनकाई ३ र ७ बिच हुने आयोजक समितिका खेल संयोजक दिपेन ओलीले बताउँनुभयो ।
आजै दिउसो २ बजेदेखि यहाँका पत्रकार प्रेस क्लव र आयोजक विच शो म्याच पनि हुदै छ । होटल डिलाईट र अमेरिकी पुर्व सेना आशिस संग्रौला र उहाँहरुको साथी र परिवारजनबाट आयोजित प्रतियोगितामा कुल साढे ६ लाख खर्च हुने अनुमान गरिएको छ । प्रतियोगितामा प्रथम हुने टिमले ७० हजार र दोस्रो हुने टिमले ३५ हजार नगद पुरस्कार प्राप्त गर्ने छन । प्रतियोगिताको फाईनल कार्तिक १४ गते हुने छ । प्रतियोगितामा कनकाईका ९ वटै वार्डका एक एक टिम र कनकाई भेट्रान्सको एक टिमले प्रतियोगितामा सहभागिता जनाउँने छन ।
कनकाई माविको खेल मैदानमा जहिल्यै पनि दसै तिहारमा घरमा आउँदा यहाँका खेल सम्बन्ध क्लव समितिले खेलकुद प्रतियोगिता गर्दै आएकोमा यसबर्ष भने कुनैपनि खेल प्रतियोगिता नहुँदा आफुहरु छुट्टिमा घर आउनेहरु निराश भएर आफै अग्रसर भएर खेल प्रतियोगिताको आयोजना गरेको आयोजक आशिस संग्रौलाले बताउँनुभयो । खेलकै विकास गर्न भनेर कनकाई नगरपालिकामा नगर खेलकुद विकास समितिको समेत गठन गरिसकिएको छ भने खेल खेलाउन भनेर यहाँको कनकाई खेलकुद प्रतिष्ठानले समेत कनकाई नगरबाट बजेट समेत प्राप्त गदै आएको छ ।
