कनकाई अनलाईन
झापाको बाह्रदशी गाउँपालिका ६ मा ट्याक्टरले किचेर एक बालकको मृत्यु भएको छ ।
ट्याक्टरले किचेर मृत्यु हुनेमा बाह्रदशी गाउँपालिका–६ निवासी पूर्ण बहादुर खातीको ४ वर्षीय छोरा फडिन्द्र खाती रहेको प्रहरी कार्यालया झापाले जनाएको छ ।
जिल्ला प्रहरी कार्यालय झापाका प्रहरी प्रवक्ता प्रहरी नायव उपरिक्षक बसन्त पाठकका अनुसार शनिवार दिउँसो साढे १ बजे राजगढ बिर्तामोड सडक खण्ड अन्तरगत बाह्रदशी–६ स्थित बाह्रदशीडाँडा नजिकै दक्षिणबाट उत्तर तर्फ आउँदै गरेको प्र–१–०१–००१ त ८९५९ नम्बरको इँटा लोड भएको ट्याक्टरले बाटो काट्दै गरेको पैदल यात्री बालक खातीलाई ठक्कर दिएको थियो । ट्याक्टरको अगाडिको चक्काले किच्दा बालकको घटनास्थलमै मृत्यु भएको हो ।
यता ट्याक्टर तथा ट्याक्टर चालक पाँचथर जिल्ला हिलिहाङ गाउँपालिका– ३ निवासी २६ वर्षीय विवेक मेनेङबो लिम्बुलाई इलाका प्रहरी कार्यालय बिर्तामोडले नियन्त्रणमा लिएको छ ।
