कनकाई अनलाईन
मानिसलाई आतंकित पार्ने उद्धेश्यले गिरीबन्धु टी इस्टेटको चिया फ्याक्ट्रीको गेटअगाडि कुकर बम राखेको फेला परेको छ ।
पूर्वपश्चिम राजमार्गदेखि दक्षिण चालु अबस्थामा रहेको गिरीबन्धु टी इस्टेटको फ्याक्ट्रीको गेटअगाडि पड्काइसकेको कुकर फेला परेको हो । बम राति नै पड्काएको अनुमान गरिएको छ । तर, त्यसबाट कुनै पनि क्षति भएको छैन । बम पड्केको आवाजसमेत नसुनेको स्थानीयको भनाई छ ।
बमसंगै पर्चा पनि भेटिएको छ । नेकपा माओवादी पूर्वी केन्द्रीय कमाण्डको नाममा पर्चा भेटिएको हो । त्यो समूहको आधिकारिकताबारे थाहा हुन नसकेको प्रहरीले जनाएको छ । त्रसित र आतंकित पार्ने उद्धेश्यले त्यस्तो क्रियाकलाप गरेको हुनसक्ने गिरीबन्धु टी इस्टेटका संचालक छत्र गिरीले बताउँनुभयो । बमसगै फेला परेको पर्चामा गिरी बन्धु टी स्टेटको जग्ग विभिन्न बहानामा सट्टाभर्ना नर्गन लगायातका ७ सुत्रिय माग राखिएको छ । घटनाका वारेमा प्रहरी पुगेर थप अनुसन्धान थालेको जनाएको छ ।
