कनकाई अनलाईन
झापाको शिवसताक्षी नगरपालिकामा ८ निपत्रियामा अहिले मंगलवार साँझ श्रीमानले खुर्पा प्रहारबाट श्रीमतीको हत्या गरेका छन ।
श्रीमानको खुर्पा प्रहारबाट मंगलवार साँझ ७ बजेको समयमा शिवशताक्षी नगरपालिका वडा नम्बर ८ निपत्रिया निवासी २९ वर्षीया रन्जना अधिकारीको घटनास्थलमै मृत्यु भएको हो। उनका श्रीमान ४४ वर्षीय ओमप्रसाद अधिकारीले खुर्पा प्रयोग गरेर रन्जनाको हत्या गरेको प्रहरीले जनाएको छ । हत्या गर्ने श्रीमानलाई हतियार सहित प्रहरीले नियन्त्रणमा लिएको जिल्ला प्रहरी कार्यालय झापाका प्रहरी प्रवक्ता प्रहरी नायव उपरिक्षक कृष्णकुमार चन्दले बताउँनुभयो ।
अधिकारीका श्रीमान केहि महिना अगाडिमात्रै वैदेशिक रोजगारीबाट नेपाल घर फर्किएको र उनीहरुको अदालतमा समेत मुद्धा चलिरहेको बताईएको छ । श्रीमान अधिकारीले हानेको खुर्पाले श्रीमतीको घाटीमा लागेको र उनको घटनास्थलमै मृत्यु भएको प्रहरीले जनाएको छ ।
घटनास्थलमा इलाका प्रहरी कार्यालय झिलझिलेको टोली प्रहरी पुगेको छ ।
