कनकाई अनलाईन
झापाको बिर्तामोड नगरपालिका ४ पुरानो बिजुली अपिस छेउबाट अटोमा लागुऔषध ब्राउन सुगर ल्याउदै गरेको अवस्थामा प्रहरीले अटोचालकलाई पक्राउ गरेको छ ।
शनिवार दिउसो साढे २ बजेको समयमा प्रहरी चौकी बिर्ताबजारबाट खटिएको प्रहरी टोलीले बिर्ताबजारबाट बुट्टावारीतर्फ जादै गरेको मे १ ह २९२१ नम्बरको अटोरिक्सालाई रोकी चेकजाँज गर्दा अटोचालक सुनसरी घरभई हाल बिर्तामोड डेरा गरि वस्ने बर्ष ४० को उमेश चौधरीको साथबाट ४ ग्राम २०० मिलिग्राम ब्राउन सुगर फेला पारिएको जिल्ला प्रहरी कार्यालय बिर्तामोडले जनाएको छ । यसैगरि चौधरीलाई थप सोधपुछ गर्दा सिराह अमरुवा गाउँपालिका ५ घरभई हाल बिर्तामोड नगरपालिका ३ मा डेरालिई बस्ने प्रतिक्षा चौधरी समेत संग्लनता रहेको बताएपछि उनको समेत डेरामा खोजतलास गर्दा थप ५ ग्राम ब्राउन सुगर फेला पारिएको प्रहरीले जनाएको छ । हाल दुबैलाई आवश्यक कार्वाहीका लागि म्याद थप गरिएको जिल्ला प्रहरी कार्यालय झापाले जनाएको छ ।
