कनकाई अनलाईन
इलाका प्रहरी कार्यालय दमकबाट खटिएको प्रहरी टोलीले दमक नगरपालिका ९ इटाभट्टाबाट २५ ग्राम ब्राउन सुगर सहित २ जनालाई पक्राउ गरेको छ ।
मंगलवार राती ८ बजेको समयमा को २९ प २२४ नम्बरको मोटरसाइकलमा सवार गौरादह नगरपालिका १ बस्ने ३३ बर्षिय भीमबहादुर श्रेष्ठ र सोही स्थान बस्ने २९ बर्षिय मोहन सेलुवाललाई नगद १० हजार र उक्त परिमाणको ब्राउन सुगर सहित पक्राउ गरेको जिल्ला प्रहरी कार्यालय झापाका प्रहरी प्रवक्ता बसन्तकुमार पाठकले बताउँनुभयो ।
उनीहरुलाई आवश्यक कार्वाहीका लागि इलाका प्रहरी कार्यालय दमकमा राखि थप अनुसन्धान थालिएको प्रहरीले जनाएको छ । यसैगरि वडा प्रहरी कार्यालय भद्रपुरको प्रहरी टोलीले सबुधवार दिउसो सवा सवा २ बजेको समयमा भद्रपुर नगरपालिका ३ को झोलुङ्गे पुलबाट भारतबाट नेपाल आउदै गरेकोअवस्थामा पश्चिम बंगाल दार्जिलिङ्गका ४२ बर्षिय निखिलविश्वासलाई ३ ग्राम ८०० मिलिग्राम ब्राउन सुगर सहित
प्रक्राउ गरेको छ । यता लागुऔषध नियन्त्रण ब्युरो काँकडभिट्टा र इलाका प्रहरी कार्यालय बिर्तामोडको प्रहरी टोलीले बुधवार वेलुकी ७ बजे बिर्तामोड नगरपालिका २ चारपानेबाट सोही स्थानमा बस्ने बर्ष ३६ क ाबद्री राजवंशीलाई ३ ग्राम ब्राउन सुगरसहित पक्राउ गरेको छ । उनलाई समेत थप अनुसन्धानका लागि इलाका प्रहरी कार्यालय बिर्तामोडमा राखिएको प्रहरीले जनाएको छ ।
