कनकाई अनलाईन
झापाका बिभिन्न स्थानमा मोबाइल चोरीमा संलग्न भद्रपुुर नगरपालिका ५ का १८ बर्षिय मोहमद प्यारेको साथबाट ८० राउण्ड गोली प्रहरीले बरामद गरेको छ ।
गएको शुक्रबार भद्रपुरमा राजु अग्रवालले संचालन गरेको प्रियंका मोवाइल पसलमा विभिन्न कम्पनीका मोबाइल चोरी भएपछि प्रहरीले प्यारेको घरमा छापा मारेको थियो । प्रहरीले उनको घरमा गाडेको अवस्थामा उक्त परिणामको गोली सहित विभिन्न कम्पनीका मोवाइल र चार्जर समेत फेला पारेको जिल्ला प्रहरी कार्यालय झापाले जनाएको छ । प्रहरीमा ५ लाख १८ हजार २ सय रुपैयाँ बराबरको सामान चोरी भएको भनी उजुरी परेको थियो । खोज्ने क्रममा उनलाई मंगलबार प्रहरीले पक्राउ गरेको प्रहरीले जनाएको छ ।
उनीबाट चोरिएका २९ थान मोबाइल, २ थान घडी र ६१ हजार ५०० रुपैयाँ नगद र चोरीमा प्रयोग गर्ने रड लगायातका सामाग्री समेत पनि फेला पारेको जनाएको छ ।
प्रहरीले घटनाबारे थप अनुसन्धान भइरहेको जनाएको छ । उक्त बरामद गोली उनले भारतबाट ल्याएको प्रहरीलाई प्रारम्भिक वयान दिएको समेत प्रहरीले जनाएको छ ।
