कनकाई अनलाईन
झापाको शिवसताक्षी नगरपालिका–१० दोमुखाबाट शनिवार लागूऔषध ब्राउनसुगर सहित पाँच जनालाई प्रहरीले पक्राउ गरेको छ ।
लागूऔषध ब्राउनसुगरको किनबेच भईरहेको बिशेष सुचनाको आधारमा इलाका प्रहरी कार्यालय झिलझिलेबाट खटिएको प्रहरी टोलीले माई नगरपालिका–८ इलामका २५ बर्षीय सुजेन्द्र राई, झापा कन्काई नगरपालिका –३ का ४३ बर्षीय बेनुप्रसाद चिमरिया र कन्काई–४ का ३२ बर्षीय हेम नारायण चौधरीलाई लागूऔषध ब्राउनसुगर सहित पक्राउ गरेको हो ।
उनीहरुको साथबाट प्रहरीले १७ ग्राम लागुऔषध ब्राउनसुगर, नगद ८८ हजार पाँच सय, मोवाइल दुई थान र तीन थान मोटरसाईकल बरामद गरेको छ । त्यसैगरी सोही स्थानमा लागुऔषध खरिद गर्न आएका दमक नगरपालिका–१० का २८ बर्षीय सुजन राई र दमक नगरपालिका–९ का २५ बर्षीय सुरज तामाङलाई को ६ प ६९४८ नम्बरको मोटरसाईकल सहित नियन्त्रणमा लिईएको प्रहरीले जनाएको छ ।
लागूऔषधसहित पक्राउ परेका पाँच जनाको सम्बन्धमा इलाका प्रहरी कार्यालय झिलझिलेबाट थप अनुसन्धान भइरहेको प्रहरीले जनाएको छ ।
