कनकाई अनलाईन ।
संस्थागत विद्यालयमा अध्यापनरत गणित शिक्षकको क्षमता बृद्धि अभियान अन्र्तगत एक दिने प्रशिक्षण शनिवार झापाको चन्द्रगढीमा सम्पन्न गरिएको छ ।
बुद्ध पब्लिकेशनको आयोजना तथा प्याब्सन झापा क्षेत्र नम्बर १ र ३ को संयोजनमा ६० जना गणित शिक्षकलाई तालिम दिइएको हो ।
प्याब्सनका झापा उपाध्यक्ष भक्तबहादुर कार्कीको प्रमुख आतिथ्य तथा क्षेत्र नं १ का अध्यक्ष रत्नबहादुर गिरीको अध्यक्षतामा प्रज्ञा एकाडमी चन्द्रगढीको तालिम भवनमा सम्पन्न प्रशिक्षणमा बुद्ध पब्लिकेशनका निर्देशक अच्युतप्रसाद नेपालले सहजीकरण गर्नुभएको थियो ।
कार्यक्रमको चौचित्यमाथि प्रज्ञा एकाडमीका प्रिन्सिपल इशुभ पाण्डेले प्रकाश पारेको कार्यक्रममा हिसान झापाका उपाध्यक्ष गोबिन्द लम्साल, प्याब्सनका अजय आले मगर, डम्बर रुचाल लगायतले शुभकामना मन्तव्य राख्नुभएको थियो ।