कनकाई अनलाईन
दिलमाया स्मृति कप छनौट प्रतियोगिताको कनकाई नगरपालिकाको खेल आजबाट सुरु भएको छ ।
कनकाई माविको खेल मैदानमा आजबाट सुरु भएको प्रतियोगिताको झापा क्षेत्र नम्बर ४ का संघिय सांसद एलपी साँबा लिम्बु तथा कनकाई नगरपालिकाका प्रमुख राजेन्द्रकुमार पोखरेलले आज उदघाटन गर्नुभयो ।
कार्यक्रममा बोल्दै कार्यक्रमका प्रमुख अतिथि साँबाले कोभिडका कारण थलिएको खेल क्षेत्रलाई थोरै भएपनि सहयोग पुर्याउन तथा आफ्नी दिवंगत माता दिलमायाको स्मृतिलाई ताजै राख्नका लागि प्रतियोगिताको आयोजना गरिएको बताउँनुभयो ।
कार्यक्रममा बोल्दै कनकाई नगरपालिकाका प्रमुख राजेन्द्रकुमार पोखरेलले कनकाई नगरपालिकाबाट धेरै राष्ट्रिय खेलाडीहरु उत्पादन हुदै आएको बताउँदै नगरपालिका धेरै भन्दा धेरै खेलाडीहरु उत्पादन गर्ने काममा अगाडि वढेको बताउँनुभयो ।
कार्यक्रममा दिलमाया स्मृति कपका मुल समारोह समितिका संयोजक सुनिल भेटवालले प्रतियोगिता भव्य र सभ्य बनाउन आयोजकबाट कुनै कसर वाकी नराख्ने जानकारी दिदै प्रतियोगिताको प्रथम र दोस्रो पुरस्कार २ लाख २५ हजार र १ लाख २५ हजार रुपैँया रहेको बताउँनुभयो ।
कार्यक्रममा कनकाई ३ नम्बर वार्डका वडाअध्यक्ष रुद्रप्रसाद चिमरिया लगायातले मन्तव्य राख्नुभएको थियो ।
कार्यक्रममा कनकाई नगरपालिकाकी उपप्रमुख मन्जु प्रसाई, कनकाई ५ का वडाअध्यक्ष कृष्ण राई, कनकाई ३ का वडाअध्यक्ष छवि थपलिया लगायातको आतिथ्यता रहेको थियो । कार्यक्रमको स्वागत नेकपा एमाले कनकाई नगर अध्यक्ष रविन्द्र लम्सालले गर्नुभएको थियो ।
आज भएको पहिलो खेल कनकाई ३ र ६ बिच भएकोमा खेल सकिनअघि नै अध्यारो भएपछि बाकी खेल भोली दिउसो ३ बजेका लागि सारिएको छ ।
आजको खेल गोल रहित बराबरी भएको थियो ।
