कनकाई अनलाईन
आजबाट कनकाई माविको खेल मैदानमा प्रथम दिलमाया स्मृति कप वार्डस्तरीय फुटबल प्रतियोगिता हुने भएको छ ।
कनकाई माविको खेल मैदानमा दिउसो ३ बजेबाट हुने प्रतियोगिताको उदघाटन खेल वार्ड नम्बर ३ र वार्ड नम्बर ६ बिच हुने खेल संयोजक दिलकुमार कार्कीले बताउँनुभयो । खेलको उदघाटन नेपाल खेलकुद महासंघका केन्द्रिय अध्यक्ष रमेश पौडेलले गनुहुने खेल मुल आयोजक समितिका संयोजक सुनिल भेटवालले बताउँनुभयो । आगामी असोज १७ गतेसम्म कनकाई माविको खेल मैदानमा हुने छनौट प्रतियोगिताका विजयी र उपबिजयी टिमले आगामी कार्तिक ८ गतेदेखि हुने क्वाटर फाइनलदेखिका खेलका लागि दुधेमा जाने छन ।
आज हुने प्रतियोगिताका लागि सुरुङ्गास्थित कनकाई माविको खेल मैदानलाई व्यावस्ति बनाइएको छ भने स्टेज समेत निर्माण गरिसकिएको छ । प्रतियोगिताको बिजयी र उपबिजयी हुने टिमलाई नगद २ लाख २५ हजार र १ लाख २५ हजार रुपैँया पाउने छन । प्रतियोगितामा झापा क्षेत्र नम्बर ४ का सबै २८ वार्डका टिम सहभागि हुने खेल व्यावस्थापन समितिका अध्यक्ष गजेन्द्र ताम्लीले बताउँनुभयो । छनौट खेल कनकाईका लागि कनकाई मावि, झापा गाउँपालिकाका लागि अलग्गै , शिवसताक्षी र गौरीगंंजका लागि समेत अलग अलग स्थानमा छनौट खेल आजैका दिनबाट हुदै छ । माननीय एलपी साँबा लिम्बुको माताको स्मृतिमा साँबा परिवारको आर्थिक व्यावस्थापनमा यस प्रतियोगिता सुरु गरिएको हो ।
