कनकाई अनलाईन
काठमाडौं, साउन १२ गते । नेकपा माओवादी केन्द्रको स्थायी कमिटी बैठक सकिएको छ । मङ्गलबार पार्टी केन्द्रीय कार्यालय पेरिसडाँडामा आकस्मिक बोलाइएको स्थायी कमिटी बैठक सकिएको माओवादी केन्द्रका प्रमुख सचेतक देवप्रसाद गुरुङले जानकारी दिनुभयो ।
बैठकमा सकारसँग जोडिएका विषयहरु, पार्टीको आन्तरिक सांगठनिक विषयमा छलफल भएको उहाँले बताउनुभयो । साथै सरकारमा जाने मन्त्रीहरुको नाम प्रधानमन्त्रीले माग्नु भएपछि टुङ्गो लाग्ने उहाँले बताउनुभयो ।
यसअघि साउन ७ गते बसेको बैठकले साउन १७ गते स्थायी समिति र २० गते केन्द्रीय समिति बैठक बस्ने मिति तय गरेको थियो । त्यस्तै आज बिहान प्रधानमन्त्रीको सरकारी निवास बालुवाटारमा प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहालबीच भेटवार्ता भएको थियो । भेटपछि अध्यक्ष दाहालले आकस्मिक रुपमा स्थायी कमिटी बैठक बोलाउनुभएको थियो ।
