कनकाई अनलाईन
दुबै मृगौला बिग्रिएर मृत्यु वरण गरेकी कनकाई नगरपालिका ३ रेडक्रस टोलकी ३१ बर्षिय सुधा दर्जी ( यसोदा)को परिवारलाई कारितास नेपालले २५ हजार रुपैँया आर्थिक सहयोग गरेको छ ।
सुधाको घरमै पुगि कनकाई नगरपालिकाका प्रमुख राजेन्द्रकुमार पोखरेल, कारितास नेपालस्थित सुरक्षित वैदेशिक रोजगारी परियोजना अधिकृत हिमालयन अधिकारी, परियोजनाका कनकाई नगरपालिकाका वरिष्ठ सामाजिक परिचालक विवेश शिवाकोटी , कनकाईका सामाजिक परिचालक होमप्रसाद भट्टराई, नेपाल पत्रकार महासंघ प्रदेश समिति सदस्य लीलाराज झापालीले दुखद अवस्थामा रहेको दर्जी परिवारमै पुगि उक्त रकम हस्तानतरण गर्नुभएको हो । कारितास जर्मनको सहयोगमा उक्त रकम सहयोग गरिएको परियोजना अधिकृत अधिकारीले बताउँनुभयो ।
कारितास नेपालले कनकाई नगरपालिकाको समन्वयमा कनकाईका ३ वटा वार्डहरुमा सुरक्षित रोजगारी परियोजना संचालन गर्दै आएको छ । सुधाका श्रीमान प्रकाश दर्जी केहि बर्ष अगाडि रोजगारीका लागि साउदी अरबमा भेडा चराउने काममा जानुभएको थियो । अप्ठ्यारो काम भएकोले एक बर्षमै स्वदेश फर्कनुभएका प्रकाश गाउँमा जुत्ता सिलाउने काम गरि ३ छोरा र श्रीमतीको लालन पालन गर्दै आउनुभएको थियो । आफ्नी श्रीमतीको समेत दुबै मृगौला बिग्रिएर मृत्यु भएपछि श्रीमतीको उपचारका क्रममा आफ्नो परिवारमा ठुलो ऋण लागेको प्रकाशका दाजु प्रेम दर्जीले बताउँनुभयो । सुरक्षित रोजगारीमा जानका लागि युवालाई सहयोग र सल्लाह दिने तथा समस्यामा परेका वैदेशिक रोजगारीबाट फर्केका परिवारलाई समेत सक्दो सहयोग गर्दै आएको सुरक्षित वैदेशिक रोजगारी परियोजनाका कनकाई नगरपालिकाका वरिष्ठ सामाजिक परिचालक विवेक शिवाकोटीले बताउँनुभयो । कार्यक्रममा बोल्दै कनकाई नगरपालिकाले अव चाडै मृगौला रोगीको डाइलासिसका लागि मेशिन राख्ने तयारी थालेको जानकारी दिनुभयो ।
Trending
- झापा गाउँपालिकाका कक्षा ९ मा अध्यानरत् सबै विद्यार्थीलाई साईकल
- विर्तामोड युनाइटेडलाई भीमनारायण गोल्डकप उपाधि
- गोरु तस्करीको ट्रान्जिट बन्दै झापा
- बैँकमा ढुङ्गा हान्ने, दुर्गा प्रसाईका युवा समर्थक पक्राउ
- विश्व रेडक्रस दिवशमा सुरुङ्गामा भवन उदघाटन सहित दाता सम्मान
- बिर्तामोडमा एक महिलाको लुटपाट पछि विभत्स हत्या
- झापामा ६३ प्रतिशतले खाए हात्ती पाईलेको औषधि
- कनकाईमा हात्ती पाईलेको औषधि खुवाउने अभियान सफल