युबराज रेग्मी
झापा,असार ३१। झापाको गौरादह नगरपालिका वडा न १ गेउरियामा एक महिला मृतावस्थामा फेला परेकी छन् ।
गेउरिया चोक नजिकै अन्दाजी ३९ बर्षिय सङ्गीता टुडु मृतावस्थामा फेला परेको इलाका प्रहरी कार्यालय दमकका इन्स्पेक्टर अनिल माबोहाङले जानकारी दिएका छन् ।
प्रहरीका अनुसार बुधवार बेलुका श्रीमान् श्रीमती बिच झगडा भएको र हाल श्रीमान् फरार रहेकाले श्रीमानले नै सङ्गीताको हत्या गरेको हुनसक्ने माबोहाङले बताए ।
हाल घटनाको विषयमा इलाका प्रहरी कार्यालय दमकले अनुसन्धान गरिरहेको प्रहरीले जनाएको छ ।
