कनकाई अनलाईन
इलाका प्रहरी कार्यालय र कनकाई नगरपालिकाले यस बर्षको होलि मिलन कार्यक्रम आआफ्नै घर परिवारमै मनाउन सबै सग आग्रह गरेको छ ।
इलाका प्रहरी कार्यालय सुरुङ्गामा भएको भेलाबाट यस्तो निर्णय गरिएको इलाका प्रहरी कार्यालय सुरुङ्गाका प्रहरी प्रमुख उदयसंम्सेर जबराले बताउँनुभयो ।
यस बर्ष होली घरमै मनाउने र अनिवार्य मास्क लगाएर मात्रै बजार र संघ संस्था वा बाहिर हिडडुल गर्न सबै कनकाई नगरवाशीमा अनुरोध गर्नुपरेको कनकाई नगरपालिका ४ का वडाअध्यक्ष तथा कनकाई नगर प्रवक्ता समेत रहनुभएका गोविन्द पौडेलले बताउँनुभयो ।
विश्वव्यापि कोरोना महामारी फेरि नेपालमा समेत भित्रिन सक्ने भएकोले यसवारेमा सजगता अपनाउनु परेको कनकाई नगरपालिका १ का वडाअध्यक्ष रोषन पोखरेलले बताउँनुभयो । कोरोना महामारीबाट आफु पनि वाच्न र अरुलाई पनि वचाउन सबै संघ संस्था र कार्यालय तथा बजारको पसल बैँक वित्तिय संस्थाहरुमा सेनेटाइटर वा साबुन पानीले हात धुएर मात्रै प्रवेश गर्न दिन र सामाजिक दुरी कायम गर्न सबै नगरवाशीमा अनुरोध गरिएको कनकाई ३ का वार्डअध्यक्ष रुद्रप्रसाद चिमरियाले बताउँनुभयो ।
यस वारेमा कनकाईका ९ वटै वार्डमा प्रहरीले सचेतना तथा कडाई गर्ने समेत निर्णय गरिएको कनकाई ५ का वडाअध्यक्ष कृष्णबहादुर राईले बताउँनुभयो ।
