कनकाई अनलाईन
नेपालको पूर्वी नाका मेचीनगरमा ठुलो परिमाणको लागु औषध ब्राउन सुगर सहित २ भारतीय महिलालाई प्रहरीले नियन्त्रणमा लिएको छ ।
मंगलवार दिउसो साढे १ बजेको समयमा मेचीनगर नगरपालिका १५ काँसघारी क्षेत्रबाट ईलाका प्रहरी कार्यालय धुलावारी र प्रहरी चौकी ज्यामिरगढीबाट खटिएको प्रहरी टोलीले १५० ग्राम लागु औषध ब्राउन सुगर सहित भारत दार्जिलिङ्ग मैनागुडी थाना खोरीवारी बस्ने बर्ष २७ कि सुनिता हेमरम र सोही स्थान बस्ने बर्ष ३२ की अनिता हेमरमलाई पक्राउ गरेको हो ।
पक्राउ गरिएका दुबैजनालाई थप आवश्यक अनुसन्धानका लागि इलाका प्रहरी कार्यालय धुलावारीमा राखिएको जिल्ला प्रहरी कार्यालय झापाका प्रहरी प्रवक्ता प्रहरी नायव उपरिक्षक राकेश थापाले बताउँनुभयो । निजहरुलाई झापा जिल्ला अदालतबाट म्याद थप गरी लागु औषध नियन्त्रण ऐन २०३३ बमोजिम कारवाही प्रकृया अगाडी बढाईने थापाले बताउँनुभयो ।
