कनकाई अनलाईन
२८ फागुन, काठमाडौं । नेकपा एमालेका अध्यक्ष केपी शर्मा ओलीले पार्टीको बैठक नै नराखी माधवकुमार नेपाल समूहका नेताहरुको जिम्मेवारी खोसेका छन् ।
सर्वोच्च अदालतको २३ फागुनको फैसलापछि ब्युँतिएको एमालेका अध्यक्ष ओलीले केन्द्रीय कमिटी बैठक ७ चैतमा बोलाएका छन् । तर बैठकको एक साताअघि नै आफ्नो समूहको बैठक राखेर ओलीले महासचिवबाहेकका सबै पदाधिकारी हटाएका छन् ।
बैठकले साबिकको नेकपा दुई खेमामा विभाजित हुँदा आफ्नो समूहले गरेको नियुक्तिलाई नै निरन्तरता दिने निर्णय गरेको छ ।
बैठकमा सहभागी एक नेताका अनुसार प्रदेश १ को इन्चार्जमा भीम आचार्यलाई हटाएर सुवासचन्द्र नेम्वाङ, बाग्मती प्रदेशको इन्चार्जमा अष्टलक्ष्मी शाक्यलाई हटाएर रामबहादुर थापा बादल, कर्णाली प्रदेशको इन्चार्जमा युवराज ज्ञवालीलाई हटाएर यामलाल कँडेल र सुदूरपश्चिमम प्रदेशको इन्चार्जमा भीम रावललाई हटाएर लेखराज भट्टलाई जिम्मेवारी दिइएको छ ।
प्रदेश २ का सत्यनारायण मण्डल, गण्डकीमा पृथ्वीसुब्बा गुरुङ र लुम्बिनीमा शंकर पोखरेल कायमै छन् । उनीहरु ओली पक्षका नेताहरु हुन् ।
यस्तै विदेश विभाग प्रमुखमा माधवकुमार नेपाललाई हटाएर राजन भट्टराई तोकिएका छन् ।
कसको जिम्मेवारी के तोकियो
प्रदेश १
इन्चार्ज सुवासचन्द्र नेम्वाङ
अध्यक्ष स् देवराज घिमिरे
सचिव विनोद ढकाल
प्रदेश २
इन्चार्ज स् सत्यनारायण मण्डल
अध्यक्ष प्रभु साह,
सचिव सुमन प्याकुरेल
बाग्मती
इन्चार्ज स् रामबहादुर थापा बादल
अध्यक्ष स् आनन्द पोखरेल
सचिव स् खेम लोहनी
गण्डकी
इन्चार्ज स् पृथ्वीसुब्बा गुरुङ
अध्यक्ष स् जगत विश्वकर्मा
सचिव स् गोविन्द नेपाली
लुम्बिनी
इन्चार्ज शंकर पोखरेल
अध्यक्ष लीला गिरी
सचिव खेममान खड्का
कर्णाली
इन्चार्ज यमलाल कँडेल
अध्यक्ष गुलाबजंग शाह
सचिव धर्मराज रेग्मी
सुदूरपश्चिम
इन्चार्ज लेखराज भट्ट
अध्यक्ष कर्ण थापा
सचिव राजेन्द्र सिंह रावल
विभागहरु
स्कुल विभाग प्रमुख स् केपी शर्मा ओली
संगठन विभाग प्रमुख स् विष्णु पौडेल
विदेश विभाग प्रमुख स् राजन भट्टराई
सम्पर्क कमिटी र कोष तथा आर्थिक विभाग प्रमुख स् छविलाल विश्वकर्मा
संसदीय विभाग प्रमुख स् सुवास नेम्वाङ
निर्वाचन विभाग प्रमुख स् विष्णु रिमाल
