कनकाई अनलाईन
झापाको शिवसताक्षी नगरपालिका– ११ मा बुधबार विहान नहरमा डुबेर मृत्यु भएको अवस्थामा एकजना महिलाको शव फेला परेको छ ।
वडा नम्बर ८ र ११ को सिमानामा पर्ने कनकाई नहर अन्तर्गत सतासी खोलाको साईफनमा शव अड्किएको अवस्थामा फेला परेकोे हो । शवको पहिचान हुन सकेको छैन । प्रहरीले नहरबाट शव बाहिर निकाल्नका लागि पानी सतासी खोला तर्फ लगाएको छ ।
नहरबाट शव बाहिर निकालेपछि शवको पहिचान हुन सक्ने स्थानीयले बताएका छन् । घटना स्थल देखी उत्तर सो नहरले शिवसताक्षी नगरपालिका वडा नम्बर ९, १० र ११ लाई छुन्छ । स्थानीयका अनुसार वाहिरबाट आएर नहरमा हामफालेर आत्महत्या गरेको हुन सक्ने अनुमान छ । यद्धपी यस्को सरकारी पुष्टी भने भएको छैन ।
प्रहरीले कानुनी प्रक्रिया पश्चात घटनाका विषयमा थप अनुसन्धान हुने इलाका प्रहरी कार्यालय झिलझिले जनाएको छ ।
