कनकाई अनलाईन
सुरुङ्गा सामुदायिक सिकाई केन्द्रको आयोजना तथा कनकाई ४ नम्बर वार्ड कार्यालयको आर्थिक सहयोगमा यहाँस्थित जनजागृति सामुदायिक भवनमा क्षमता अभिवृद्धि तथा प्रजलन स्वास्थ्य सम्बन्धि दुई दिने तालिम सम्पन्न भएको छ ।
यस क्षेत्रका महिलाहरुको सहभागिता रहेको तालिमको सहजीकरण नेपाल परिवार नियोजन संघ झापाकी प्रमुख सुजन काफ्ले, कनकाई नगरपालिका शिक्षा साखाका स्रोत व्याक्ति मेदनीप्रसाद पाठक र सामुदायिक सिकाई केन्द्र कनकाईका अध्यक्ष राजकुमार कट्टेलले गर्नुभएको थियो ।
कार्यक्रममा कनकाई नगरपालिकाकी उपप्रमुख मन्जु प्रसाई , वार्डअध्यक्ष गोविन्दप्रसाद पौड्याल, नेपाल शिक्षक महासंघ कनकाई नगरपालिकाकी अध्यक्ष सारदाप्रसाई पाठक, वार्डसदस्य रोषन सुवेदी, नगरपालिका स्वास्थ्य साखाका नारायण अधिकारी लगायातले शुभकामना दिनुभएको थियो ।
