कामाटोली,माघ ४।कतारमा सडक दुर्घटनामा परी झापा गाउँपालिका-३ स्थित कामाटोली निवासी पशुपती शाहको मृत्यु भएको छ।शाह बिगत आठ वर्ष देखि कतारमा कार्यरत रहेका थिए।
१५ वर्षको ड्राईभिङ अनुभव भएका शाह कतारमा ट्रक चलाउने गर्दथे।शाहको सुक्रबार बेलुका सडक दुर्घटनामा परी निधन भएको खबर आएको उहाँका भाइ अरुण शाहले कनकाई अनलाइनलाई बताउनु भयो।अरुणका अनुसार शाहको मृतक शरीर कतारको कानुनी प्रक्रिया पूरा गरि आउँदो २० तारिख सम्ममा स्वदेश फर्काउने तयारी भइरहेको छ।
शाहका श्रीमती र दुई छोरा रहेका छन।स्व.बिदेश्वर शाहका दुई छोरा मध्येका जेठा छोरा पसुपती शाह रहेका थिए।
