कनकाई अनलाईन
राजवंशी समुदायको प्रिय खाजा भाक्कालाई सामान्य घर आगनदेखि देश विदेशका तारे होटलको प्रमुख परिकारका रुपमा चिनाउन झापाली राजवंशी समुदायका युवाहरु लागिपरेका छन ।
कोचिला गाभुर फ्रन्टको सक्रियतामा नेपाली राजवंशी समुदायको मुख्य खाजाका रुपमा रहेको भाक्कालाई विश्वसामु चिनाउने अभियान थालिएको हो । यसका लागि हरेक बर्षको पुस २७ गते बिर्तामोडमा राष्ट्रिय भाक्का दिवश मनाइदै आएको फ्रन्टका केन्द्रिय अध्यक्ष अभय राजवंशीले बताउँनुभयो ।
भाक्का दिवश सफ लबनेसगै फ्रन्टले आगामी बर्षदेखि कम्तीमा झापाका सबै मुख्य चौकहरुमा राष्ट्रिय भाक्का दिवश मनाउने पत्रकार सम्मेलनको आयोजना गरि जानकारी गराएको छ । राष्ट्रिय भाक्का दिवशका कार्यक्रम संयोजक तथा संचारकर्मी अर्जुन राजवंशीले भाक्का स्वास्थ्य तथा आर्थिक रुपमा समेत सस्तो पर्ने हुदा यसको सेवनबाट आर्थिक र स्वास्थय दुबै फाइदा मिल्ने बताउँनुभयो । भाक्का खाने कल्चर बिस्तारै गाउँबाट शहर तर्फ वढेको बताउँदै अबका केहि बर्षभित्रै विश्वका महगा होटलको मेन्यु बनाउने अभियानमा आफुहरु लागेको बताउँनुभयो ।
