सुरुङ्गा,पौष २९ ।झापाको मेचीनगर नगरपालिका–१३ चारआलीबाट ब्राउनसुगरसहित दुई जना श्रीमान श्रीमती पक्राउ परेका छन् ।
पक्राउ पर्नेमा मेचीनगर नगरपालिका–१ का २१ बर्षीय सुजन राजपुत र निजकै श्रीमती बर्ष १८ कि पुजा राजपुत (मगर)रहेका छन् ।
जिल्ला प्रहरी कार्यालय झापा, प्रहरी चौकी चारआलि र लागु औषध नियन्त्रण ब्युरो
काँकरभिट्टाबाट खटिएको संयुक्त प्रहरी टोलीले बुधवार १४:०० बजे शंकास्पद अवस्थामा हिडिरहेका उनीहरुलाई चेकजाँच गर्दा ब्राउन सुगर फेला परेको थियो । उनीहरुको साथबाट
१० ग्राम ब्राउन सुगर फेला परेको प्रहरीले जनाएको छ। उनीहरुलाईइ नियन्त्रणमा लिई ईलाका प्रहरी कार्यालय धुलाबारीमा राखी थप अनुसन्धान भइरहेको जिला प्रहरी कार्यालय झापाले जनाएको छ ।
