कनकाई अनलाईन
कोरोना संक्रमित एक ७३ बर्षिय बृद्धको फेरि मृत्यु भएको छ । कनकाई नगरपालिका ३ का त्यी बृद्धको घरमै निधन भएको हो । उनलाई नेपाली सेनाको टोलीले कनकाई माईमा सलामी सहित अन्तेष्टी गरेको छ । यो सगै कनकाई नगरपालिकामै कोरोना संक्रमित मृतकको सङ्ख्या ६ पुगेको छ ।
कनकाई नगरपालिका ६ मा समेत एक जनामा कोरोना संक्रमित भेटिएको छ । कनकाईका नौ वटा वार्डमध्ये ६ नम्बर वार्डमा हालसम्म कोरोना भेटिएको थिएन । कनकाई नगरपालिका ६ की ६६ बर्षिय एक महिलामा कोरोना देखिएको हो । आजै कनकाई ३ का थप दुई जनामा समेत कोरोना पुष्टि भएको छ । कनकाई ३ का ७० बर्षिय र ४० बर्षिय पुरुषमा कोरोना देखापरेको कनकाई नगरपालिकाका कोरोना फोकल पर्सन नारायण अधिकारीले बताउँनुभयो । हाल कनकाईमा कोरोना संक्रमितको सङ्ख्या १५३ जना र सक्रिय संक्रमितहरुको सङ्ख्या २९ जना रहेको समेत अधिकारीले बताउँनुभयो ।
