कनकाई अनलाइन।झापा,कार्तिक २०।झापा गाउँपालिका-१ सेतुमारीमा हिजो एक महिला झुण्डिएको अबस्थामा मृत फेला परेकी छिन।
सेतुमारी निवासी २७ बर्षीया एन्जिला लिम्बू घरको कोठा भित्र झुन्डिएको अबस्थामा मृत फेला परेको इलाका प्रहरी कार्यालय कुमरखोदले जनाएको छ।
मृतक महिला हिजो बिहान करिव १०.३० बजे घरको कोठामा झुण्डिएको अबस्थामा देखेपछी स्थानियले प्रहरीलाई खबर गरेका थिए।घटनास्थलमा प्रहरी टोली आइपुगेपछी मृतकका ताप्लेजुङमा रहेका माइतीपक्षले आफुहरु आएपछी मात्र शब उठाउन प्रहरीलाई आग्रह गरेको प्रहरीले बताएको छ।
प्रहरीका अनुसार मृतकका माइतीपक्षका आएपछी आज मृतकलाई पोस्टमार्टम गर्नका लागि संम्बन्धित अस्पताल पठाउने तयारी भई रहेको छ।घटनाको थप अनुसन्धान बांकी रहेको प्रहरीले जनाएको छ।
