दमक, कात्तिक ९ गते । दमकमा कोरोना संक्रमण भएकी एक महिलाको आइतबार दिउँसो मृत्यु भएको छ । दमक वडा नं. १ की ६० वर्षीया महिलाको कोरोना संक्रमणबाट मृत्यु भएको वडाध्यक्ष ताराप्रसाद अधिकारीले बताउनुभएको हो ।
कोरोना पोजेटिभ देखिएपछि होम आइसोलेसनमा रहनुभएकी ती महिलामा श्वासप्रश्वासमा समस्या देखिएपछि विराटनगरस्थित नोवेल अस्पतालमा पुगेपछि मृत्यु भएको अधिकारीले बताउनुभयो ।
दाहसंस्कार कसरी गर्ने भन्ने विषयमा परिवारमा अन्योल रहेको र यसका लागि सहजीकरण गर्ने काम भइरहेको वडाध्यक्ष अधिकारीले बताउनुभयो । शनिबार पनि दमकमा एक पुरुषको कोरोना संक्रमणबाट मृत्यु भएको थियो । दमकमा कोरोना संक्रमणबाट मृत्यु हुनेको संख्या १० पुगेको छ ।source-gorkhapatra online