कनकाई अनलाईन
कनकाई खबर साप्ताहिक पत्रिका तेस्रो बर्षमा प्रवेश गरेको छ ।
प्रत्रिका तेस्रो बर्षमा प्रवेश गरेको अवशरमा पत्रिकाले विशेष कार्यक्रमका विच आफ्नो बार्षिकउत्सव मनाएको छ । कनकाई सुरुङ्गा प्रेस क्लवको कार्यालयमा आयोजित कार्यक्रममा पत्रकार महासंघ झापाका कार्यसमिति सदस्य तथा गोरखापत्र दैनिकका पत्रकार लीलाराज झापाली, कनकाई सुरुङ्गा प्रेस क्वलका संस्थापक अध्यक्ष तीर्थराज खरेल, समाजसेवी शिक्षासेवी टिका जम्मरकट्टेल, कनकाई सुरुङ्गा लायन्स क्लवका अध्यक्ष तथा संचारकर्मी मनोज बस्नेत , सुर्यप्रसाद अधिकारी, सिएम शर्मा लगायातले पत्रिकाको सफलताको शुभकामना दिएका थिए ।
पत्रिकाका सम्पादक प्रकाशक रामप्रसाद निरौलाले पत्रिकालाई अझ परिस्कृत बनाउँदै लैजाने प्रतिवद्धता जनाउँनुभयो । पत्रिका झापाको कनकाई नगरपालिकाबाट नियमित प्रकाशन हुदै आएको छ भने अनलाइन संकरण कनकाई खबर डटकम समेत संचालनमा आएको छ ।
