कनकाई अनलाईन
रोटरी क्लब अफ सुरुङगाको दोस्रो पद हस्तान्तरण भएको छ । दुर्गापुरस्थित वृक्ष क्याफेमा शनिबार विशेष कार्यक्रमका बिच रोटरीको पद हस्तान्तरण गरिएको हो । तीन वर्ष अघि रोटरी क्लव अफ विर्तामोड मिडटाउनले मातृत्व प्रदान गरेको सुरुङ्गा रोटरीमा यस अघि नै वर्ष २०२०\२१ कालागि सर्वसम्मत नेतृत्व चयन भएको थियो । शिक्षासेवी सामाजिक व्याक्तित्व टिकाप्रसाद जमर कट्टेलको नेतृत्वमा कार्यसमिति सर्वसम्मत भएको थियो । वर्ष २०१९\२० का अध्यक्ष कुमारमणि पोखरेलले नवनिर्वाचित अध्यक्ष कट्टेललाई पदभार हस्तान्तरण गर्दै रोटरीको नियमअनुसार सपथ गराउनुभयो ।
बिर्तामोड मिडटाउनका संस्थापक अध्यक्ष सन्तोष अग्रवालले नवनिर्वाचित अध्यक्ष कट्टेललाई रोटरीयन कलर चेन लगाइदिनुभयो । निवर्तमान अध्यक्ष कुमारमणि पोखरेलले ग्याबल हस्तान्तरण गर्नुभयो ।
३ बर्ष पहिले सुरुङगामा हालका प्याप्सन झापाका अध्यक्ष तथा शिक्षासेवी व्याक्तित्व एलपी उप्रेतीको अध्ध्यक्षतामा रोटरी खोलिएको हो । पछिल्लो समय उदाउदो सुरुङगामा विदेशी संघ संस्था खोल्ने प्रतिस्पर्धा चलेको छ । यस क्षेत्रमा हाल जेसिज, लायन्स जस्ता विदेशी संस्थाहरुले समाजमा शिक्षा स्वास्थ राहत बितरण रक्तदान लगायानका काम गर्दै आइरहेका छन । 
