कनकाई अनलाईन
काठमाडौँ, असोज १५ गते । नेपाल आयल निगमले डिजेल र मट्टितेलको मूल्य घटाएको छ । विहीबार राति १२ बजेबाट लागु हुने गरी डिजेल मट्टितेलमा प्रतिलिटर एक रुपियाँ घटाएको हो । नयाँ मुल्य अनुसार डिजेल मट्टितेल प्रतिलिटर ८९ रुपियाँ भएको छ ।
पेट्रोल, हवाई इन्धन र एलपी ग्यासको मूल्य हाललाई यथावत राखिएको निगमले जनाएको छ । इण्डियन आयल कर्पोरेशनबाट विहहीबार प्राप्त खरिद मूल्य अनुसार पेट्रोलियम पदार्थको मूल्य केही घटेर आएकाले निगमले मूल्य समायोजन गरेको प्रवक्ता विनितमणि उपाध्यायले जानकारी दिनुभयो ।
इण्डियन आयल कर्पोरेशन र नेपाल आयल निगमबीच सञ्चालन हुदै आएको स्वचालित मूल्य सूची प्रणाली अनुसार हरेक १५र१५ दिनमा पेट्रोलियम पदार्थको मूल्य समायोजन हुने गर्दछ ।
