कनकाई अनलाईन
लायन्स क्लव अफ कन्काई सुरुङ्गा र लियो क्लव अफ कन्काई सुरुङ्गाको आयोजनामा आज प्रतिकुल मौसमका बिच पनि ७७ पिन्ट रगत संकलन भएको छ । आज भएको रक्तदान कार्यक्रममा ७ महिला सहित ७७ जनाले रक्तदान गरेको लायन्स क्लव अफ कनकाई सुरुङ्गाका अध्यक्ष तथा संचारकर्मी मनोज बस्नेतले कनकाई अनलाईनलाई बताउँनुभयो ।
जहाँ आवश्यकता त्यहाँ इच्छा भन्ने लायन्सको नारा रहेको र विश्व कोरोना माहामारीका कारण आक्रन्त बनिरहेको बेला रगतको आवश्यकतालाई लिएर लायन्सले विषम परिस्थितिका विच पनि रक्तदान गरेको लायन्स क्लव अफ कनकाईका संस्थापक अध्यक्ष लीलाप्रसाद चिमरियाले बताउँनुभयो । रक्तदानमा रेडक्रस सोसाइटी बिर्तामोडको प्राविधिक सहयोग रहेको थियो ।
लायन्सले कोरोना महामारीका कारण बिना औपचारिक कार्यक्रमका विच रक्तदान कार्यक्रमको आयोजना गरेको लायन्सका कार्यक्रम संयोजक संजय गजुरेलले बताउँनुभयो ।
रक्तदान प्रधान मेडिसिन सेन्टरको अगाडि सुरुङ्गा चौकमा गरिएको थियो ।
