कनकाई अनलाइन
मदरगाछ,भदौ २७।झापा गाउँपालिका-७ का युवाहरुले स्थानियलाई मास्क वितरण गरेका छन।सगरमाथा युथ क्लबका युवाहरुले स्थानियबासीहरुलाई करिव ३ हजार थान सर्जिकल मास्क वितरण गरेका हुन।
झापा गाउँपालिका-७ का मदरगाछ,प्रगती टोल,जनमघुटु,मगरगाउँ,मण्डलबस्ती लगायत आसपासका बासिन्दालाई मास्क वितरण गरिएको क्लबका अध्यक्ष रोहित कर्णले कनकाई अनलाइनलाई बताउनु भयो।विश्वब्यापीरुपमा फैलिएको कोभिड-१९ को जोखिम नेपालमा पनि फैलिएपछी आफ्नो क्लबले जनचेतना दिइदै मास्क वितरण गरेको कर्णको भनाई छ।
कर्णका अनुसार क्लबले चार ओटा टोली बनाएर बेग्लाबेग्लै कार्य क्षेत्र तोकी स्थानियबासीको घर-घरमै पुगेर परिवारका प्रत्येक सदस्यलाई एक-एक सर्जिकल मास्क वितरण गरेको थियो।
