कनकाई अनलाईन
झापाको पुरानो सदरमुकाम झापा बजारमा एनआइसी एसिया बैँकको साखा स्थापना भएको छ । बैकको २५८ औ साखाको रुपमा झापा गाउँपालिका कुमरखोदमा झापा गाउँपालिकाका अध्यक्ष जयनारायण शाहले झापा गाउपालिका २ कुमरखोदमा बैकको साखाको उदघाटन गर्नुभयो । बैकले ८ महिना अगाडिनै सोहि स्थानमा कारोवार संचालन गरेपनि आइतवारदेखि औपचारिक रुपमा साखाको उद्घाटन गरेको बैकका साखा प्रबन्धक ओमप्रकाश भण्डारीले बताउनुभयो । बैकका हालसम्म २७० साखा संचालनमा रहेका बताइएको छ ।
कार्यक्रममा बैँकका क्षेत्रिय प्रबन्धक दिपक थापा , झापा गाउँपालिकाकी उपाध्यक्ष कुन्तीदेवि बुडाथोकी , बैँकका क्षेत्रिय उपप्रबन्धक रविन वारिया , नेत्र राना , अंगद हरिजन , नेत्र खड्का लगायातले बैकले यस क्षेत्रका व्यापारी व्यावसायी र कृषकको व्यापार व्यावसाय र उद्यममा मद्धत गर्ने विश्वास व्यक्त गर्नुभयो । बैंकले मुलुकभर २७० शाखा कार्यालयहरु, २८५ एटिएम, ३७ वटा एक्सटेन्सन काउण्टर एवं २० वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको र बैंकको वासलातको आकार रू. २०९ अर्ब भन्दा बढि पुगेको कार्यक्रममा जानकारी गराइएको छ ।
यसैगरि कुल निक्षेप करिब रू. १७० अर्ब तथा कर्जा रू. १४४ अर्ब पुगि निजी क्षेत्रबाट स्थापित बैंकहरु मध्ये नेपालको सबैभन्दा ठूलो बैंकको रुपमा आफ्नो पहिचान बनाएको जनाएको छ । हालसम्म यस बैंकमा ग्राहकको संख्या करिब १३ लाख ५० हजार रहेको जनाएको छ । साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालना गर्दै आएको छ । बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा कार्यालय संचालन गर्ने योजना अगाडि सारेको बैककानायव प्रमुख कार्यकारी अधिकृत (सुचना अधिकारी) सुधिरनाथ पाण्डेले बताउनुभयो ।
Trending
- सुरुङ्गा प्रहरी लागुऔषध सचेतनामा निरन्तर
- झापामा धमाधम हात्तीपाईका र रोगी फेला पर्दै
- झापामा एक बर्षमा १४१ बर्ष कैद सजाय
- कनकाई माविको पिडा मालपोत तिर्न १० लाख बाकी जग्गा कमाउनेले दिदैनन एक गेडा मकै
- सवारी दुर्घटना बढेपछि स्कुल चालकलाई तालिम
- ट्रयाक्टरको ठक्करबाट मोटरसाइकल चालकको मृत्यु
- निर्वाचनबाटै बिद्यालयमा उम्मेदवार छनौट गर्दै बिद्योदय अङ्ग्रेजी माबि
- वाइसीएलको जिल्ला भेला सम्पन्न, डेबिट शाहीको नेतृत्वमा नयाँ समिति चयन