मन्जिल ढकाल ।
सुरुङ्गा , असार २३ गते । दक्षिणी झापाको रानी सामुदायिक वन समुहमा रहेको सिमसार पोखरीलाई प्रदेशनम्बर १ कै ठुलो सिमसार क्षेत्र बनाइने भएको छ ।
शनिवार झापा गाउँपालिकामा आयोजित वृहत्तर विकास सम्बन्धि कार्यक्रममा सामुदायिक वनलाई पर्यापर्यटकिय क्षेत्रका रुपमा अगाडि बढाइने जानकारी दिइएको हो ।
१०४ हेक्टर क्षेत्रमा फैलिएको सो सामुदायिक वनमा हालपनि १५ हेक्टर क्षेत्रमा सिमसारयुक्त पोखरी रहेको र पोखरीमा माछापालन गरिएको रानी सामुदायिक वन समुहका सचिव भवेन्द्र भण्डारीले बताउनुभयो । आयोजित कार्यक्रममा सो वन समुहमा लोपोन्मुख सन्थाल जातिको संस्कृति झल्कने कलाकृति र नाचगान प्रस्तुत गरिने तथा नेपालमै पहिलो संन्थाल होमस्टेको रुपमा विकासित गरिने भएको छ । झापा गाउँपालिका नेपालमै वढी सन्थाल बस्ती भएको गाउँपालिका समेत भएको झापा गाउँपालिकाका अध्यक्ष जयनारायण शाहले बताउनुभयो । कार्यक्रममा गाउँपालिकाकै एकमात्र सामुदायिक वनलाई काठदाउराभन्दापनि पर्यापर्यटकिय क्षेत्रका रुपमा विकसित गर्न पिकपिक स्पर्ट , भ्यु टावर , जडीबुटी खेती , चिडियाघर लगायातको क्षेत्रका रुपमा विकसित गदै लैजान गुरु योजना सार्वजनिक गरिएको छ ।
कार्यक्रममा प्रतिनिधिसभा सांसद एलपी साँबा लिम्बु , प्रदेशसभा सदस्य हिराकुमार थापाले यस क्षेत्रको प्राकृतिक सम्पदाको संरक्षण गर्दै वन संरक्षण र पर्यटकिय क्षेत्रको रुपमा विकासित गर्न केन्द्र र प्रदेशसरकारले पहल गर्ने बताउनुभयो । कार्यक्रममा कनकाई उद्योग बाणिज्य संघका अध्यक्ष कुमारमणि पोखरेल , लगायातले पर्यटकिय क्षेत्रका रुपमा अगाडि वढाउन उद्यमी व्यावसायीले समेत सक्दो सहयोग गर्ने बताउनुभयो । कार्यक्रम रानी सामुदायिक वन उपभोक्ता समुहका अध्यक्ष रामबहादुर कार्कीको सभापतित्वमा सम्पन्न भएको थियो ।
Trending
- झापामा मजदुर दिवश भव्य रुपले मनाईयो
- झापामा हात्तीपाइले रोगको जोखिम कायमै
- गिरीबन्धुका चिया मजदुरले दुई महिनादेखी पाएनन् तलव
- झापामा लागुऔषध कारोबारः गोली लागेका आलमको भद्रपुरमा उपचार हुँदै
- ‘लोप्रोफाइल’का सुहाङ एकाएक राजनीतिमा आए, बुवाकै प्रतिस्पर्धीलाई हराए
- कामाटोलीमा लागुऔषध कारोवारी प्रहरीको भिडन्त गोली लागेर एक घाइते
- डिडिसीद्वारा किसानलाई त्रिचालिस करोड भुक्तानी
- करिब १९ हजार मत गनिसक्दा सुहाङलाई २ हजारभन्दा बढी मतको अग्रता